Cicero, De Republica (XML Header) [genre: prose] [word count] [lemma count] [Cic. Rep.]. | ||
<<Cic. Rep. 2.21 | Cic. Rep. 2.23 () | >>Cic. Rep. 2.26 |
2.22 reliqui disseruerunt sine ullo certo exemplari
formaque rei publicae de generibus et de rationibus
civitatum ; tu mihi videris utrumque facturus ; es
enim ita ingressus , ut , quae ipse reperias , tribuere aliis malis quam , ut facit apud Platonem Socrates , ipse fingere et illa de urbis situ revoces ad
rationem , quae a Romulo casu aut necessitate facta
sunt , et disputes non vaganti oratione , sed defixa in
una re publica . Quare perge , ut instituisti ; prospicere
enim iam videor te reliquos reges persequente quasi
perfectam rem publicam .
Quo
quidem tempore novus ille populus vidit tamen id ,
quod fugit Lacedaemonium Lycurgum , qui regem non
deligendum duxit , si modo hoc in Lycurgi potestate
potuit esse , sed habendum , qualiscumque is foret , qui modo esset Herculis stirpe generatus ; nostri
illi etiam tum agrestes viderunt virtutem et sapientiam regalem , non progeniem quaeri oportere .
ch. 12
2.23ch. 13
Cicero, De Republica (XML Header) [genre: prose] [word count] [lemma count] [Cic. Rep.]. | ||
<<Cic. Rep. 2.21 | Cic. Rep. 2.23 () | >>Cic. Rep. 2.26 |